சமச்சீர் கல்வி முழுதீர்ப்பு: துகிலுரியப்பட்ட தமிழக அரசு

சமச்சீர் கல்வி வழக்கில் 9.8.2011 அன்று உச்சநீதிமன்றம் அளித்த முழுதீர்ப்பு (ஆங்கிலம்) கீழே தரப்பட்டுள்ளது. இத்தீர்ப்பில் தமிழக அரசு மேற்கொண்ட - சட்டவிரோதமான, இயற்கைக்கு முரணான, மக்கள் நலனுக்கு எதிரான அவசர முயற்சிகள் துகிலுரியப்பட்டுள்ளன!

பள்ளிக்கல்வி அனைவருக்கும் சமமாக இருக்க வேண்டும், ஆனால், தமிழக அரசு சமச்சீர் கல்வியை ஒழித்துக்கட்டும் உள்நோக்கத்துடன் செயல்பட்டுள்ளது. 


உச்சநீதிமன்ற தீர்ப்பின்படி சட்டபூர்வமானது என ஏற்கனவே தீர்ப்பளிக்கப்பட்ட சமச்சீர் கல்வியை தமிழ்நாடு அரசு இப்போது சட்டவிரோதம் எனக்கூறியுள்ளது.


சமச்சீர் கல்வியில் மாற்றங்கள் கொண்டுவர பழைய சட்டத்திலேயே பிரிவு 18 இல் எல்லா வாய்ப்பும் உள்ளது. ஆனால், இதற்காக புதிய சட்டம் கொண்டு வந்தது 'ஊசியைப் பயன்படுத்தும் இடத்தில் கத்தியைப் பயன்படுத்திய செயல்'.


சமச்சீர் கல்வி வேண்டாம் என மே 22 இல் தான் புதிய அமைச்சரவை முடிவெடுத்தது. ஆனால், பழைய புத்தகங்களை அச்சிட மே 21 ஆம் நாள் டெண்டர் விட்டுள்ளனர். ஆக, சமச்சீர் கல்வியை ஒழிப்பது என்று ஏற்கனவே முடிவெடுத்துள்ளனர்.

--இப்படியாக விலாவாரியாக விமர்சித்துள்ளனர் உச்சநீதிமன்ற நீதிபதிகள். படியுங்கள், தமிழ்நாட்டின் பரிதாப நிலையைப் பாருங்கள்! 

Samacheer Kalvi – Supreme Court Judgment 9 August 2011

சமச்சீர் கல்வி: முதல்வரை ஏமாற்றியது பத்திரிகைகளா? பார்ப்பனக் கூட்டமா?

தமிழக முதல்வரைத் தவிர மற்ற எல்லோரும் எதிர்பார்த்தபடி சமச்சீர் கல்விக்கு ஆதரவாக தீர்ப்பளித்துள்ளது உச்ச நீதிமன்றம். சில நாட்களுக்கு முன்பு தனியார் பள்ளியில் ஒன்றாம் வகுப்பு படிக்கும் எனது மகளை அழைக்க சென்றிருந்தேன். அங்கு பெற்றோர்கள் "அரசு பள்ளியிலும் தனியார் பள்ளியிலும் ஒரே பாடம்தான் என்றால் நாம் ஏன் அதிக பணம் கொடுத்து தனியார் பள்ளியில் சேர்க்க வேண்டும்?" என்று பேசிக்கொண்டனர். தனியார் கல்வி வியபாரிகளை பயமுறுத்தியது இந்த கேள்விதான்.

ஆனால், பார்ப்பனக்கூட்டத்தை அச்சுறுத்தும் கேள்வி வேறொன்று? எல்லோரும் ஒன்று என்று வந்துவிட்டால் - அப்புறம் பார்ப்பானுக்கும் சூத்திரனுக்கும் என்னதான் வேறு பாடு? இந்த மனப்புழுக்கத்தில் தான் - சோ, தினமணி, தினமலர், இன்னபிற பார்ப்பனக் கூட்டத்தினர் ஒன்று சேர்ந்து தமிழக முதலமைச்சரை நன்றாக ஏமாற்றியுள்ளனர் (அவரது மனவிருப்பம் என்ன என்பது அவருக்கே வெளிச்சம்).

நீதிமன்றம் முன்பே கூறியது என்ன?

கடந்த சூன் மாதம் 14 ஆம் தேதியே உச்சநீதிமன்றம் அளித்த உத்தரவில் மிகத்தெளிவாக "சமச்சீர் கல்வியை நடைமுறைப் படுத்துவது குறித்து" ஆராய குழு அமைக்க உத்தரவிட்டது.

இதுகுறித்து எனது முந்தைய பதிவில் பின்வருமாறு கூறியிருந்தேன்:


"சமச்சீர் கல்விக்கு முந்தைய பழைய புத்தகங்களை தமிழ்நாடு அரசு அச்சிட்டாலும் கூட அவற்றை இனி பயன்படுத்த முடியாது. உச்சநீதி மன்றம் அதற்கு முடிவு கட்டிவிட்டது.


அதாவது "பள்ளிகளில் சமச்சீர் கல்வியா? பழைய பாடத்திட்டமா?" என்ற கேள்விக்கு இனி வேலையே இல்லை. மாறாக "சமச்சீர் கல்விக்கு இப்போது அச்சடிக்கப்பட்ட புத்தகங்களா? அல்லது வேறு புதிய புத்தகங்களா? எதைப் பயன்படுத்தப் போகின்றனர்?" என்பதுதான் இப்போதுள்ள கேள்வி.


பழைய புத்தகங்கள் இனி வராது, அவற்றை பள்ளிகளில் நடத்தவோ, மாணவர்கள் படிக்கவோ வேண்டாம். பெற்றொர்கள் அவற்றை தேடிப்பிடித்து வாங்கவும் வேண்டாம் - என்கிற எளிதான உண்மையை தமிழக அரசோ தமிழ் பத்திரிகைகளோ இன்னமும் மக்களிடம் எடுத்துச் சொல்லி, பெற்றோரையும் மாணவர்களையும் குழப்பத்திலிருந்து விடுவிக்காமல் இருப்பது வியப்பளிக்கிறது" என்று குறிப்பிட்டிருந்தேன்.

(இங்கே காண்க: "பழைய பாடத்திட்டம்" இனி இல்லவே இல்லை - உண்மையை சொல்ல தமிழகஅரசு தயங்குவது ஏன்?)

ஆனால், தமிழ்நாடு அரசு இதற்கு நேர் எதிராக "சமச்சீர் கல்வி வேண்டுமா? வேண்டாமா?" என்று ஆராய - சமச்சீர் கல்விக்கு எதிரானக் கூட்டத்தினரைக் கொண்ட குழுவினை அமைத்தது.  இந்தக்கொடுமை போதாதென்று - 'இனி ஒருபோதும் பழைய பாடங்களுக்கு வேலை இல்லை' என உச்சநீதிமன்றமே உத்தரவிட்ட பின்னரும் - பலகோடி ரூபாய் மக்கள் பணத்தில் பழைய பாடபுத்தகங்களை அச்சடிப்பதையும் தொடர்ந்தது தமிழ்நாடு அரசு.

இப்போது - நீதிபதிகள் அளித்த தீர்ப்பில் சமச்சீர் கல்வித் திட்டம் தொடர்பான பெற்றோர்கள் மற்றும் மாணவர்களின் கோரிக்கையை நீதிமன்றம் ஏற்கிறது. மொத்தம் 25 காரணங்களை ஆராய்ந்து இந்த கோரிக்கைகளை நாங்கள் ஏற்கிறோம்.

தமிழகத்தில் நடப்புக் கல்வியாண்டிலேயே சமச்சீர் கல்வித் திட்டம் அமல்படுத்த வேண்டும் என்ற சென்னை உயர்நீதிமன்றத் தீர்ப்பில் தலையிட நாங்கள் விரும்பவில்லை.

சமச்சீர்கல்வித் திட்டத்தை இன்னும் 10 நாட்களில் அமல்படுத்துமாறு தமிழக அரசுக்கு உத்தரவிடுகிறோம் என்று நீதிபதிகள் தெரிவித்துள்ளனர்.

என்ன செய்வது - வாக்களித்த மக்கள் அனுபவிக்கத்தான் வேண்டும்!

கல்வி: இருண்டுபோகும் தமிழ்நாட்டின் எதிர்காலம்!

"தரம் குறைந்தவை சமச்சீர் பாட நூல்கள்: உயர் நீதிமன்றத்தில் நிபுணர் குழு அறிக்கை தாக்கல்" என்றொரு செய்தியை தினமணி நாளிதழ் வெளியிட்டுள்ளது.அதில் "சமச்சீர் கல்வி முறையிலான பாடத் திட்டமும், பாடப் புத்தகங்களும் தரம் குறைந்தவைகளாக உள்ளன. எனவே, இந்தக் கல்வியாண்டில் அவற்றைப் பயன்படுத்த முடியாது என்று உயர் நீதிமன்றத்தில் தாக்கல் செய்யப்பட்ட நிபுணர் குழுவின் அறிக்கையில் கூறப்பட்டுள்ளது."

'சமச்சீர் கல்வி பாட நூல்கள் தரம் குறைந்தவை' என்றால், அதற்கு முன்பிருந்த 'பழைய பாட நூல்கள் தரமானவையா?' என்கிற கேள்விக்கு என்ன பதில் என்று தெரியவில்லை.

வறுமை குறித்த சிந்தனையை மாற்ற வேண்டும் என்கிற கோரிக்கையோடு அபிசித் பானர்சி, எசுதர் டஃப்லோ என்போர் அண்மையில் எழுதிய POOR ECONOMICS எனும் சிறப்புவாய்ந்த நூலினை பார்க்க நேர்ந்தது.

அதில் அவர்கள் கல்விகுறித்த ஒரு சிந்திக்கதக்க செய்தியை தெரிவிக்கிறார்கள். அவை:

கேள்வி: ஏழைக் குழந்தைகள் ஏன் கல்வியில் சிறக்கவில்லை?

பதில்: பள்ளிகள் போதவில்லை, கட்டமைப்பு வசதிகள் இல்லை என்றெல்லாம் கூறுவது ஓரளவுக்குதான் உண்மை. மாறாக, பள்ளிகளில் கற்பிக்கப்படும் பாடங்கள், கற்பிக்கப்படும் முறை எல்லாமே 'மேல்தட்டு குழந்தைகளை' இலக்காகக் கொண்டவை. அந்த கல்வியால் ஏழைக் குழந்தைகளுக்கு பயனும் இல்லை, அது அவர்களுக்கு பழக்கமானதும் இல்லை.

(என்னுடைய மகள் ஒரு சென்னை தனியார் பள்ளியில் முதல் வகுப்பு படிக்கிறது. அதன் பொதுஅறிவு 'தனியார்' நூலில் அப்பாவின் உடை 'குர்த்த - பைசாமா' என்றும், அம்மாவின் உடை 'சல்வார் கமீசு' என்றும் கூறப்பட்டுள்ளது. நூலின் எந்த இடத்திலும் வேட்டி, புடவை இல்லை. அதைவிட - விளையாட்டையும் பந்தையும் ஒப்பிடு என்று கூறி 'ரக்பி' விளையாட்டை போட்டுள்ளார்கள்.)

கேள்வி: தனியார் பள்ளிகள் சிறப்பானவையா?

பதில்: இல்லை. தனியார் பள்ளிகள் அதிக வசதி வாய்ப்புள்ள குழந்தைகளையே தங்களது மாணவர்களாக சேர்த்துக்கொள்கின்றன. அல்லது அத்தகைய மாணவர்கள்தான் தனியார் பள்ளிகளில் சேருகின்றனர். 


இப்படி வசதிபடைத்த மாணவர்கள், வீட்டிலும் பெற்றோரின் கவனிப்பால் படிக்கக் கூடிய மாணவர்களை தேர்வில் வெற்றிபெறச்செய்து தனியார் பள்ளிகள் சிறந்தவை என்பதுபோல நாடகம் ஆடுகின்றன.

உண்மையில், சாதாரண ஏழைக்குழந்தைகளையும் தனியார் பள்ளிகளில் சேரச்செய்தால், தனியார் பள்ளிகளின் தரம் பல்லிளித்துவிடும்.

கேள்வி: பள்ளிகள் எப்படி அமைய வேண்டும்?

பதில்: ஏதோ சில குழந்தைகளை முதல் மதிப்பெண் பெற வைப்பது நல்ல கல்வி அல்ல. எல்லா குழந்தைகளையும் படிக்க வைப்பதுதான் சரியான கல்வி முறை. 


பள்ளிகள் வசதி வாய்ப்புள்ள குழந்தையை சேர்க்க வேண்டும் எனக் கருதக்கூடாது. மாறாக, எல்லாக் குழந்தைகளையும் ஒன்றாக வைத்து - வசதியுள்ள குழந்தைக்கு இணையாக ஏழைக் குழந்தைகளுக்கும் கற்பிக்கும் திறன் படைத்ததே நல்ல பள்ளி.

இதற்காக - பாட சுமையை குறைத்து அனைவருக்கும் தரமானக் கல்வி அளிக்க வேண்டும்.

- என்கிறது அந்த நூல்.

இதையே, மண்டல் குழு அறிக்கை வேறு விதமாகக் கூறியது.

ஒரு மாணவன் வசதிபடைத்த படித்த பெற்றோரின் மகனாகப் பிறந்து, நகர்ப்புறத்தில் வசித்து, அருகிலேயே பள்ளி, வீட்டில் மின்வசதி, நல்ல உணவு, தனியறை, நாளிதழ், பொது நூல்கள், பெற்றொரின் வீட்டுப்பாடத்துடன் படித்து 80 மதிப்பெண் எடுக்கிறான்.

மற்றொரு மாணவன் ஏழை படிக்காத பெற்றோரின் மகனாகப் பிறந்து, கிராமத்தில் வசித்து, மிகத்தொலைவில் பள்ளி, வீட்டில் மின்வசதி இல்லை, போதுமான உணவு இல்லை, குடும்பமே ஒரு அறை குடிசையில் வாழ்ந்து, நாளிதழ் நூல்கள் எதையும் காணாமல், தினமும் பெற்றொருக்கு உதவியாக வயலில் வேலை செய்து - இத்தனைக்கு பிறகும் படித்து 70 மதிப்பெண் எடுக்கிறான்.

இரண்டு பேரில் யார் மிகச்சிறந்தவன் ? என்று கேட்டது மண்டல் குழு அறிக்கை.

தமிழ்நாட்டின் மிகப்பெரிய வளம் என்பது அதன் மனித வளம்தான். அதுவும் 'மக்கள்தொகை அனுகூலம்' (Demographic Dividend) எனப்படுகிற - மொத்த மக்களில் அதிகமானோர் இளையோராக இருக்கும் நிலையில் இப்போது தமிழ்நாடு உள்ளது. இது இனி முதியோர் அதிகம் என ஆகும் (இப்போது சப்பானில் அதுதான் நிலை). அதற்குள் - எல்லோரையும் ஆற்றல்மிக்கவர்களாக வளர்த்தால்தான் தமிழகம் வளரும். இல்லையென்றால் எதிர்காலம் இருண்ட காலம்தான்.

எல்லா சிறுவர்களையும் ஆற்றல் மிக்க இளைஞர்களாக வளர்த்தெடுக்க கல்வியில் சமத்துவம் ஒரு கட்டாயமான முன்தேவை. தமிழக அரசின் போக்கைப் பார்த்தால் - இருண்டகாலமே காட்சியளிக்கிறது.

குற்றவாளிகளே நீதிபதிகளான கொடுமை: சாதிவெறியில் சிக்கிய சமச்சீர்கல்வி!

தனியார் பள்ளிகளின் கொடுமையிலிருந்து குழந்தைகளை விடுவித்து, எல்லோருக்கும் நல்ல கல்வி கிடைக்க வேண்டும் என்பதற்காகத்தான் சமச்சீர் கல்வி கொண்டுவரப்பட்டது. ஆனால், இப்போது உச்சநீதிமன்ற உத்தரவின் கீழ் தமிழ்நாடு அரசு நியமித்துள்ள குழுவில் தனியார் பள்ளி முதலாளிகளே 'கல்வி நிபுணர்' போர்வையில் இடம் பிடித்துள்ளனர். அதிலும் ஆதிக்க உயர்சாதிக் கூட்டமே இக்குழுவை பெருமளவுக்கு ஆக்கிரமித்துள்ளனர். 

இதுகுறித்து மருத்துவர் இராமதாசு அய்யா அவர்களின் அறிக்கை:

"சமச்சீர்க் கல்வி பற்றி முடிவெடுக்க உச்ச நீதிமன்றத்தின் உத்தரவுப்படி தமிழக அரசின் சார்பில் அமைக்கப்பட்டுள்ள குழுவில் கல்வியாளர்கள் என்ற பிரிவில் டி.ஏ.வி. பள்ளிகள் குழுமத்தின் நிறுவனர் ஜெயதேவும், பத்மாசேஷாத்திரி பாலபவன் பள்ளிகளின் முதல்வர் திருமதி ஒய்.ஜி. பார்த்தசாரதியும் சேர்க்கப்பட்டிருப்பது அதிர்ச்சி அளிக்கிறது.

சமச்சீர்க் கல்வி தொடர்பான வழக்கை விசாரித்த உச்ச நீதிமன்றம் இதுபற்றி முடிவெடுப்பதற்காக அமைக்கப்படும் 9 பேர் கொண்ட குழுவில் கல்வியாளர்கள் இவரும் இடம் பெற வேண்டும் என்று ஆணையிட்டதன் நோக்கமே சமச்சீர்க் கல்வி பற்றிய அனைத்து அம்சங்களையும் அவர்கள் அறிந்திருப்பார்கள் என்பதுதான். அவர்கள் தம் கருத்துகளின் அடிப்படையில் சமச்சீர்க் கல்வி பற்றி 9 பேர் கொண்ட குழு சரியான முடிவுக்கு வர இயலும் என்ற நோக்குடன்தான் உச்சநீதிமன்றம் இப்படி ஒரு தீர்ப்பை அளித்தது.

ஆனால், கல்வியாளர்கள் என்ற பெயரில் சமச்சீர்க் குழுவில் அமர்த்தப்பட்ட இருவரும் சென்னையிலேயே அதிக கட்டணம் வசூலிக்கும் இரண்டு பள்ளிகளின் முதலாளிகள் ஆவர். கல்வியாளர் என்பதற்கான எந்த வரையறையுமே இவர்களுக்கு பொருந்தாது. லட்சக்கணக்கில் நன்கொடையும் கட்டணமும் வாங்கி பள்ளிகளை நடத்தும் இவர்களுக்கு, தரமான கல்வி கற்க ஏழைகள் படும் பாடு குறித்து எதுவும் தெரியாது.

அதுமட்டுமின்றி சமச்சீர்க் கல்வி முறை பிரபலமடைந்தால் தனியார் பள்ளிகளுக்கு உள்ள வரவேற்பு போய்விடும் என்ற நிலையில் இவர்கள் எந்த அளவிற்கு நடுநிலையோடு செயல்படுவார்கள் என்பது ஐயமே.
சமச்சீர்க் கல்வி முறை பற்றி கரைத்து குடித்த எத்தனையோ கல்வியாளர்கள் தமிழகத்தில் இக்கும் போது, அவர்களையெல்லாம் விட்டுவிட்டு இவர்கள் இருவரையும் குழுவில் உறுப்பினர்களாக அமர்த்தியது வியப்பளிக்கிறது.

தமிழ்நாட்டில் சமச்சீர்க் கல்வி முறையை கொண்டுவந்துவிடக்கூடாது என்பதில் தமிழக அரசு உறுதியாக இருப்பதை இதிலிருந்து புரிந்து கொள்ள முடிகிறது.

சமச்சீர்க் கல்வி தொடர்பான சிக்கலில் தமிழக அரசு காட்டிவரும் பிடிவாதத்தால் மாணவ, மாணவியர் இதுவரை எவ்வளவோ பாதிப்புகளை எதிர்கொண்டுவிட்டனர். எனவே இந்த விசயத்தில் தமிழக அரசு அதன் ஒசார்பு போக்கை கைவிட்டுவிட்டு, நடுநிலை கடைபிடிக்க வேண்டும். மாணவர்களின் நலன் சம்மந்தபட்ட 9 பேர் குழுவிலிருந்து தனியார் பள்ளி முதலாளிகளை நீக்கிவிட்டு, சமச்சீர்க் கல்வி முறை பற்றி நன்கறிந்த கல்வியாளர்களை உறுப்பினர்களாக அமர்த்த வேண்டும்". என்று வலியுறுத்துவதாக மருத்துவர் இராமதாசு அய்யா அவர்கள் அந்த அறிக்கையில் தெரிவித்துள்ளார்.

"பழைய பாடத்திட்டம்" இனி இல்லவே இல்லை - உண்மையை சொல்ல தமிழகஅரசு தயங்குவது ஏன்?

"பாடத்திட்டம் குறித்த முடிவு தெரியும் வரை மாணவர்களுக்கு கற்றுத்தர வேண்டிய பாடங்கள் எவை?" எனும் 16.6.2011 செய்தியில் "தமிழகத்தில் பள்ளிகள் நேற்று திறக்கப்பட்டுவிட்டன. ஆனால் சமச்சீர் கல்வி கற்பிப்பதா அல்லது பழைய பாடபுத்தகங்கள் படி சொல்லித்தருவதா என்பதில் முடிவு காணப்படவில்லை." என செய்தி வெளியிட்டுள்ளது தினத்தந்தி.

அதே பக்க செய்தியில் "பள்ளிகளில் சமச்சீர் கல்வியா? பழைய பாடத்திட்டமா? 3 வாரங்களுக்கு என்ன பாடம் நடத்தப்போகிறார்கள் என்பது குறித்து ஆசிரியர்கள் வெளியில் யாரிடமும் கருத்துச் சொல்லக்கூடாது என்று கல்வித்துறை அதிகாரிகள் வாய்மொழி உத்தரவு பிறப்பித்துள்ளனர்" என கூறப்பட்டுள்ளது.

இது மட்டுமின்றி, மெட்ரி குலேசன் பள்ளி முதலாளிகள் தொலைக்காட்சி பேட்டிகளில் "பாடத்திட்டத்தை முடிவு செய்யும் வரையில் நாங்கள் பழைய பாடங்களையே நடத்துவோம்" என்று வேறு கூறியுள்ளனர்.

ஏன் இந்த 'தேவையில்லாத' குழப்பம்?

சமச்சீர் கல்வி குறித்த குழப்பத்தில், உச்சநீதிமன்ற உத்தரவிற்கு பின்பு ஒரு செய்தி தெளிவாக இருக்கிறது. 'இனி ஒருபோதும் பழைய பாடங்களுக்கு வேலை இல்லை' என்பதுதான் அந்த தெளிவான செய்தி.

அதாவது "பள்ளிகளில் சமச்சீர் கல்வியா? பழைய பாடத்திட்டமா?" என்ற கேள்விக்கு இனி வேலையே இல்லை. மாறாக "சமச்சீர் கல்விக்கு இப்போது அச்சடிக்கப்பட்ட புத்தகங்களா? அல்லது வேறு புதிய புத்தகங்களா? எதைப் பயன்படுத்தப் போகின்றனர்?" என்பதுதான் இப்போதுள்ள கேள்வி.

சமச்சீர் கல்விக்கு முந்தைய பழைய புத்தகங்களை தமிழ்நாடு அரசு அச்சிட்டாலும் கூட அவற்றை இனி பயன்படுத்த முடியாது. உச்சநீதி மன்றம் அதற்கு முடிவு கட்டிவிட்டது.

இதுகுறித்து ஆங்கில பத்திரிகைகள் தெளிவாக எடுத்துக்கூறியுள்ளன:


1. Indian Express: Hearing the state government’s challenge against the HC order, a vacation bench of Justices B S Chauhan and Swatanter Kumar decided on the expert panel to “examine ways and means to implement the Unified System of School Education”.

2. India Education Review: The Supreme Court of India has directed the Tamil Nadu government to set up an expert committee to examine ways and means to implement the Uniform System of School Education in the state.

3. The Hindu: It made it clear that since the validity of the Act had been upheld by the High Court and the Supreme Court, the committee could not go into the issue of change of the system. It said the committee should consider how to implement the directions of the High Court given in April 2010 for the implementation of the Act. It should complete the proceedings to enable the High Court to decide the writ petition expeditiously.

பழைய புத்தகங்கள் இனி வராது, அவற்றை பள்ளிகளில் நடத்தவோ, மாணவர்கள் படிக்கவோ வேண்டாம். பெற்றொர்கள் அவற்றை தேடிப்பிடித்து வாங்கவும் வேண்டாம் - என்கிற எளிதான உண்மையை தமிழக அரசோ தமிழ் பத்திரிகைகளோ இன்னமும் மக்களிடம் எடுத்துச் சொல்லி, பெற்றோரையும் மாணவர்களையும் குழப்பத்திலிருந்து விடுவிக்காமல் இருப்பது வியப்பளிக்கிறது.

அடுத்தக்கட்ட சோதனை.

பழைய பாட புத்தகங்கள் செல்லாது என்கிற நிலையில் -

1. சமச்சீர் கல்வி பட புத்தகங்களை 'சிலவற்றை நீக்கிவிட்டு' ஏற்க வேண்டும், அல்லது

2. புதிதாக பாட புத்தகங்களை எழுத வேண்டும்

 - என்கிற இரண்டு வாய்ப்புகள்தான் தமிழக கல்வித்துறைக்கு இருக்கிறது.

சமச்சீர் கல்வி பட புத்தகங்களை 'சிலவற்றை நீக்கிவிட்டு' ஏற்றால் இன்னும் ஒருமாத 'உள்ளிருப்பு விடுமுறைக்கு பின்' பள்ளிகள் நடத்தலாம். 


அதைவிட்டுவிட்டு 'புதிதாக பாட புத்தகங்களை எழுத வேண்டும்' என்று முடிவெடுத்தால் - உள்ளிருப்பு விடுமுறையை 4 மாதங்கள் நீட்டிக்க வேண்டியதுதான்.

பெற்றோர் மாணவர் மன உளைச்சலுக்கு ஓட்டுப்போட்ட மக்கள்தான் பொறுப்பேற்க வேண்டும்!


"The Apex Court said that the present case was a glaring example of a legislative enactment affecting the future of two crore students who are studying in Tamil Nadu schools." - India Education Review

இனி சமச்சீர் கல்விதான் - உச்சநீதிமன்ற தீர்ப்பும் உண்மையை மறைக்கும் பத்திரிகைகளும்

தினமணியின் வெளியே தெரியும் பூணூல்.

சமச்சீர் கல்வி தொடர்பான செய்திகளில் தமிழக பத்திரிகைகள் தங்களது பூணூலை வெளியே போட்டு எழுதிவருகின்றன. அதற்கு ஒரு எடுத்துக்காட்டாக விளங்குகிறது தினமணி.

சமச்சீர் கல்வி வழக்கில் உச்சநீதிமன்றம் அளித்த தீர்ப்பை முடிந்தவரை மென்று முழுங்கி - ஆளுங்கட்சிக்கு விழுந்த அடியை மலர்மாலையாக மாற்ற முயற்சிக்கிறது தினமணி. "அரசுக்கு 3 வாரம் அவகாசம்" என்று தலைப்பிட்டுள்ள தினமணி, அதில் "தமிழ்நாடு அரசு மிக நன்றாகவும் வேகமாகவும் செயல்படுகிறது" என்பதாக வேறு உச்சநீதிமன்றம் கூறியதாகவும் பாராட்டு மழை பொழிகிறது தினமணி.

சொல்ல மறந்த கதை.

இப்படியெல்லாம் பூசி மெழுகினாலும் உச்சநீதிமன்றத்தில் தமிழக அரசின் மூக்கு உடைக்கப்பட்டிருக்கிறது.

1. உயர்நீதிமன்ற உத்தரவுக்கு தடை இல்லை: சமச்சீர் கல்வி திட்டத்தை இந்த ஆண்டே செயல்படுத்த வேண்டும் என்று சென்னை உயர்நீதிமன்றம் ஆணையிட்டது. அந்த உத்தரவிற்கு தடைவிதிக்கக் கோரிதான் தமிழ்நாடு அரசு மேல்முறையீடு செய்தது. ஆனால், தமிழ்நாடு அரசு கேட்டபடி தடைவிதிக்க உச்சநீதிமன்றம் மறுத்துவிட்டது.

2. சமச்சீர் கல்வி தொடரும்: உச்சநீதிமன்றமும் 1 மற்றும் 6ஆம் வகுப்புகளில் உடனடியாக சமச்சீர் கல்வியை தொடர உச்சநீதிமன்றம் உத்தரவிட்டுள்ளது.

3. திமுக அரசு கொண்டுவந்த சமச்சீர் கல்வி சட்டம் 2010 குறித்த வழக்கில் ஏற்கனவே உயர்நீதிமன்றமும் உச்சநீதிமன்றமும் சமச்சீர் கல்விக்கு ஆதரவாக தீர்ப்பளித்ததையும் உச்சநீதிமன்றம் சுட்டிக்காட்டியுள்ளது.

4. இப்போது 2,3,4,5,7,8,9,10 ஆம் வகுப்புகளில் சமச்சீர் கல்வியை செயல்படுத்த வேண்டுமா? வேண்டாமா? என்பது குறித்து முடிவெடுக்குமாறு உச்சநீதிமன்றம் உத்தரவிடவில்லை. மாறாக, சமச்சீர் கல்வியை எப்படி செயல்படுத்துவது? என்பது குறித்து சென்னை உயர்நீதிமன்றம் முடிவெடுக்க வேண்டும் என்று கூறியுள்ளது.

It made it clear that since the validity of the Act had been upheld by the High Court and the Supreme Court, the committee could not go into the issue of change of the system. It said the committee should consider how to implement the directions of the High Court given in April 2010 for the implementation of the Act. It should complete the proceedings to enable the High Court to decide the writ petition expeditiously.

இனி சமச்சீர் கல்விதான்

அதாவது, புதிய நிபுணர் குழு - சமச்சீர் கல்வி வேண்டுமா? வேண்டாமா? என்பது குறித்து ஆராயப்போவது இல்லை. மாறாக, சமச்சீர் கல்விமுறையை எவ்வாறு சிறப்பாக செயல்படுத்துவது என்பது குறித்துதான் ஆராயப் போகிறார்கள்.

உண்மை இவ்வாறு இருந்தாலும் - பூணூல் கூட்டத்தின் 'ஆளுக்கொரு கல்வி முறையை' முடிந்தவரை 'கோயபல்ஸ்' பிரச்சாரம் மூலம் சாதித்துவிட நினைக்கிறார்கள்.

ஒருமாத காலத்திற்கு பள்ளிகளில் பாடம் நடத்தவேண்டாம் - உச்சநீதிமன்றம் அதிரடி!

பள்ளிக்குழந்தைகளுக்கு மகிழ்ச்சியான செய்தி. சுமார் ஒருமாத காலத்திற்கு பாடம் எதுவும் நடத்தவேண்டாம் என்று உச்சநீதி மன்றமே கூறியுள்ளது. ஆனால், இந்த மகிழ்ச்சி 1 மற்றும் 6ஆம் வகுப்பு குழந்தைகளுக்கு இல்லையாம்.


இதில் பரிதாபத்துக்கு உரியவர்கள் 10 ஆம் வகுப்பு மாணவர்கள்தான். மிகமுக்கியமான தேர்வை சந்திக்க இருக்கும் அவர்கள் ஒருமாத காலத்தை குழப்பத்தில் கழிக்க போகிறார்கள். அவர்களது மன உளைச்சலுக்கு யார் பொறுப்பு? பலபள்ளிகள் 9 ஆம் வகுப்பிலேயே 10 ஆம் வகுப்பு பாடத்தை நடத்தி தங்களது பள்ளிகள்தாம் பெஸ்ட் என்று ஃபிலிம் காட்டுவார்கள். அவர்களுக்கும் இது அதிர்ச்சிதான்.

"தமிழக தலைமைச் செயலர் தலைமையில் 8 பேர் கொண்ட குழு அமைக்கப்படும். இக்குழு இருவார காலத்திற்குள் சென்னை உயர்நீதிமன்றத்தில் அறிக்கை சமர்ப்பிக்க வேண்டும். அந்த அறிக்கையின் மீது ஒரு வாரத்திற்குள் உயர்நீதிமன்றம் தீர்ப்பு வழங்க வேண்டும் என்று உச்சநீதிமன்றம் கூறியுள்ளது."

ஆக, எந்த பாடத்தில் படிக்கப்போகிறோம் என்று அறிய 3 வாரங்கள் 2,3,4,5,7,8,9,10ஆம் வகுப்பு மாணவர்கள் காத்திருக்க வேண்டும். புதிய ஆட்சியில் நிபுணர்கள் எப்படி அறிக்கை அளிப்பார்கள் என்பது ஓரளவுக்கு எதிர்பார்க்கக் கூடியதுதான்.

ஒருவேளை நல்வாய்ப்பாக எல்லா வகுப்புகளுக்கும் சமச்சீர் கல்வி என்று தீர்ப்பு வந்தால் மாணவர்கள் தப்பிப்பார்கள். மாறாக, பழைய பாடத்திட்டம் என்றால், உடனுக்குடன் பாட புத்தகங்கள் கிடைப்பது கேள்விக்குறிதான்!

அப்புறம் தீர்ப்பு எதுவானாலும் அதற்குமேல் மேல்முறையீடு, வழக்கு என பலவும் இருக்கிறது.

என்னவோ போங்கள் - பணக்காரர்களும் மேல்சாதியினரும் படித்தால் போதும் எனநினைத்து ஆளுக்கொரு கல்வி அளிக்க அரசாங்கமே விரும்பும்போது இப்படித்தான் நடக்கும்.

வாழ்க சனநாயகம்.

காண்க: 

சமச்சீர்க்கல்வி: மறைந்திருக்கும் சாதிவெறி!