அம்பலமாகிப் போன கவின்மலரின் அண்டப்புளுகு: தற்கொலைக் கடிதம் இளவரசன் எழுதியதுதான்.

"இளவரசன் ஊடகங்களுக்கு அளித்த பேட்டிகளையும் இளவரன் எழுதியதாகக் கூறப்படும் கடிதத்தில் காணப்படும் வரிகளையும் ஒப்பிட்டுப் பார்த்தால் பல சந்தேகங்கள்" இருப்பதாகக் கூறியுள்ளார் கவின் மலர். 'அந்தக்கடிதம் உண்மையானது அல்ல' என்று நிரூபிப்பதற்காக, இந்தியா டுடேவின் இரண்டு பக்கங்களில் நீநீநீநீண்ட விளக்கம் அளித்துள்ளார் கவின் மலர். (ஞாயிறு 14.7.2013 அன்று கடைகளில் கிடைக்கும் இந்தியா டுடே)

ஆனால், இந்தியா டுடே கடைகளுக்கு வருவதற்கு முன்பாகவே, அந்த கடிதம் இளவரசன் எழுதியதுதான் என்று தமிழ்நாடு தடய அறிவியல் ஆய்வகம் கூறியுள்ள செய்தி தி இந்து நாளிதழில் (ஞாயிறு 14.7.2013) வெளியாகியுள்ளது. (இங்கே காண்க: Forensic report validates handwriting of Ilavarasan in suicide note)

1. கடிதம் இளவரசன் எழுதியதுதான் என்று தமிழ்நாடு தடய அறிவியல் ஆய்வகம் கூறியுள்ளது.

2. ரயில்வே போலிஸ் வருவதற்கு முன்பே இளவரசனின் உடையில் இருந்து, அவரது ஊரைச் சேர்ந்தவர்களால் அக்கடிதம் திருடப்பட்டது.

3. இளவரசன் ஏற்கனவே தற்கொலை செய்துகொள்ளும் மனநிலையில்தான் இருந்தார். ஜூன் முதல் வாரத்தில் தி.நகரில் அவர் தங்கியிருந்த விடுதியிலேயே தனது கையைக் கிழித்துக்கொண்டு தற்கொலை செய்துகொள்ள முயன்றார். 'அந்த விடுதியில் இருந்த ஊழியர்களின் வாக்குமூலம், மற்றும் ரத்தக்கறை ஆகியவற்றை பதிவுசெய்து - அவர் ஏற்கனவே தற்கொலை மனநிலையில் இருந்ததையும் தற்கொலைக்கு முயன்றதையும் உறுதி செய்துள்ளோம். அவர் கையில் காயக்கட்டுடன் இருந்த புகைப்படமும் கைப்பற்றப்பட்டுள்ளது' என்று காவல்துறை கூறியுள்ளது.

கையில் காயக்கட்டுடன் கவின் மலர் முகநூலில் புகைப்படமும்

4. இறப்பதற்கு சிலமணி நேரம் முன்பு இளவரசனை மதுபானக் கடையில் பார்த்த சாட்சிகள் உள்ளன என்றும் காவல்துறையினர் கூறியுள்ளனர்.

கவின்மலரின் அண்டப்புளுகும் வயிற்றெரிச்சலும்!

"என்னோட இறப்புக்கு யாரும் காரணமில்லை, இது எனது சுயமான முடிவாகும்" என்று இளவரன் எழுதியது உண்மைதான். அது அவரே எழுதியதுதான் என்பது இப்போது தமிழ்நாடு தடய அறிவியல் ஆய்வகம் மூலம் நிரூபிக்கப்பட்டுவிட்டது. இந்த ஒரு உண்மையை தாங்கிக்கொள்ளவே முடியாமல் தவிக்கிறார் கவின்மலர். 

"பத்திரிகை பேட்டிகளில் தங்கள் இருவரையும் பிரிக்க இன்ன கட்சியினர்தான் திட்டம் போட்டதாக வெளிப்படையாகவே இளவரசன் சாடியிருக்கிறார். அப்படியிருக்க அதைப்பற்றி ஒரு வார்த்தைக் கூட எழுதாமல், என் சாவுக்கு யாரும் காரணமில்லை என்று அவர் எப்படி எழுதியிருக்க முடியும்?' என்று இந்தியா டுடேவில் கேட்டுள்ளார் கவின் மலர்.

ஆக, இளவரசன் இறந்துபோனது கூட கவின் மலருக்கு கவலை இல்லை. மாறாக, 'என் சாவுக்கு பாமக தான் காரணம்' என்று இளவரசன் எழுதாமல் விட்டுவிட்டாரே என்பதுதான் கவின் மலரின் கவலை, ஏக்கம் எல்லாம். 

இப்படி ஒரு கேடுகெட்ட மனநிலையில் இருப்பவரை செய்தியாளராகக் கொண்டிருப்பதற்காக இந்தியா டுடே வெட்கப்பட வேண்டும்.

இளவரசன் தற்கொலை செய்துகொள்ளும் வாய்ப்பிருப்பதை முன்பே அறிந்திருந்தார் கவின் மலர்

இளவரன் தற்கொலை செய்துகொள்வதற்கான வாய்ப்புகள் இருப்பதை முன்கூட்டியே அறிந்திருந்தும் அதனை தடுக்காமல் விட்டுவிட்டார் கவின் மலர். 

ஜூன் முதல் வாரத்தில் - அதாவது, திவ்யா பிரிந்து சென்றவுடன் - சென்னை தி நகர் விடுதியில் இளவரசன் கையைக் கிழித்துக்கொண்டு தற்கொலை செய்துகொள்ள முயன்ற பின்னர், அவரை நேரில் சந்தித்து பேட்டி எடுத்துள்ளார் கவின் மலர். இந்தியா டுடே இதழிலும், கவின் மலரின் முகநூல் பக்கத்திலும் கையில் காயக்கட்டுடன் இளவரசன் இருக்கும் படம் வெளியிடப்பட்டுள்ளது. (கூடவே இளவரசனுடன் கவின்மலரும் இருந்த படம் முன்பு கவின் மலரின் முகநூல் தலைப்புப் படமாக இருந்தது. இப்போது அந்தப்படத்தைக் காணவில்லை)

இந்தியா டுடே ஜூன் 19 இதழின் 36 ஆம் பக்கத்தில், கவின் மலர் வெளியிட்டுள்ள இளவரசன் பேட்டியின் தொடக்கத்திலேயே - பின்வருமாறு குறிப்பிட்டுள்ளார் கவின்மலர்.

"சாகனும்னு நினைக்கலை. ஆனா வேதனையை எப்படி தீர்த்துக்குறது?" என்று கேட்கிறார் இளவரசன் என்று எழுதியுள்ளார் கவின் மலர். (இங்கே காண்க: அணையாத காதல் தீ)

இப்படியாக, இளவரசன் தற்கொலை செய்துகொள்ள முயன்றதை அறிந்திருந்தார் கவின் மலர், இளவரசன் தற்கொலை செய்துகொள்ளக் கூடும் என்பதை இந்தியா டுடே இதழிலேயே வெளியிட்டார் கவின் மலர். ஆனாலும், எல்லாம் அறிந்திருந்த கவின் மலர் இளவரசனை சாகவிட்டது ஏன்?

முற்போக்கு வியாதிகளே - உங்கள் முதுகைப் பாருங்கள்.

இளவரசன் மரணத்துக்கு 'அவர் காரணம், இவர் காரணம்' என ஏகத்துக்கும் பேசிக்கொண்டிருக்கின்றனர் முற்போக்கு வியாதிகள்.

ஆனால், 'சென்னையிலும் பெங்களூருவிலும் வசித்தவர்கள் - வேலையும் இல்லாமல், வசதியும் இல்லாமல், செலவுக்கு பணம் இல்லாததால்' தர்மபுரிக்கு போனார்கள். தர்மபுரியில் வீட்டிற்குள்ளேயே தலைமறைவாக இருக்க வேண்டிய சூழல் இருந்ததால்தான், திவ்யா அவரது அம்மாவுடன் செல்பேசியில் தொடர்புகொண்டு அழுதார். அதனால்தான் அவரது அம்மா சென்னை உயர்நீதி மன்றத்தை நாடினார். பின்னர் திவ்யாவே அம்மாவிடம் சென்றுவிட்டார்.

சென்னையிலும் பெங்களூருவிலும் அவர்களுக்கு பொருளாதார உதவி செய்ய இந்த முற்போக்கு வியாதிகள் முன் வராதது ஏன்? இன்று எத்தனையோ இயக்கங்களை நடத்துபவர்கள், அன்று ஒரு வேலை வாய்ப்பைக் கூட வாங்கிக்கொடுக்க மறுத்தது ஏன்?

அவர்கள் வாழ்வதற்கு ஒரு ஆதாரத்தை, பொருளாதார வாய்ப்பை ஏற்படுத்திக் கொடுக்க வக்கற்றுப்போன கவின் மலரும், இன்னபிற முற்போக்கு வேடதாரிகளும், இப்போது மரணத்தையே அரசியலாக்கி வன்னியர்களை ஒழிக்க நினைக்கிறார்கள். இந்த நயவஞ்சகம் ஒருநாளும் வெற்றிபெறாது.